विराटनगर । अरनिको कलेजका पूर्व विद्यार्थीले कक्षा–११ मा अध्ययन गर्ने विद्यार्थीलाई छात्रवृत्ति दिने भएका छन् ।
कलेजका पूर्व विद्यार्थी निलहरी भण्डारीले अरनिको कलेजमा कक्षा–११ मा अध्ययन गर्ने १ जना विद्यार्थीलाई छात्रवृत्ति प्रदान गर्ने भएका हुन् ।
अमेरिका बसोबास गर्ने भण्डारी भुटान हुँदै तराईमा बसोबास गर्दै अमेरिका पुगेका हुन् । । उनले अरनिको कलेजबाट कक्षा ११ र १२ सम्मको अध्ययन पूरा गरेका विद्यार्थी हुन् । अत्यन्त मेधावी छात्र भण्डारी हाल अमेरिकामा व्यवसाय क्षेत्रमा संलग्न रहेको कलेजले जनाएको छ । भण्डारी कलेजका दोस्रो ब्याजका विद्यार्थी हुन् ।
भण्डारीले ६ लाख ४५ हजारको अक्षयकोषको स्थापना गरेका छन् । सो कोषबाट प्राप्त हुने ब्याज रकमले कक्षा ११ र १२ मा अध्ययन गर्ने सामुदायिक स्कुलबाट एईई पास गर्ने १ जना विद्यार्थीलाई छात्रवृत्ति प्रदान गरिने प्रिन्सिपल राजेश कार्कीले बताए ।
प्रिन्सिपल कार्की भन्छन्, ‘हामी उनको यो कार्यको उच्च प्रशंसा गर्दै उनलाई धन्यवाद ज्ञापन गर्न चाहन्छौं । साथै अन्य पूर्व विद्यार्थीहरूलाई पनि यस्तो सेवाको कार्यमा सरिक हुन अनुरोधसमेत गरे ।
