धरान । धरान–१६ स्थित शारदा बालिका नमुना माध्यमिक विद्यालयका गरिब तथा विपन्न विद्यार्थीहरूलाई स्वेटर वितरण गरिएको छ ।
स्कुलका पूर्वविद्यार्थी तथा छात्रवृत्ति दाताहरूको सहयोगमा २ सय ७६ जनालाई स्वेटर र ४ सय ९० जनालाई मोजा वितरण गरिएको छ ।
बेलायत निवासी पूर्व विद्यार्थी शोभा क्षेत्री, भूपू विद्यार्थी २०४२/०४३ छात्रवृत्ति कोष, भूपू विद्यार्थी २०४८/०४९ अक्षयकोष र पूर्व प्रधानाध्यापक प्रतिमा पोखरेलले स्थापित गरेको मुकुन्द प्रतिमा छात्रवृत्ति कोषको आर्थिक सहयोगमा सामग्री वितरण गरिएको विद्यालयका शिक्षक पदम लुइँटेलले जानकारी दिए ।
कक्षा १ देखि कक्षा १० सम्मका विपन्न तथा गरिब वर्गका विद्यार्थीहरूलाई स्वेटर र मोजा दिइएको छ ।
