धरान । झापा मेचीनगर नगरपालिका–२ स्थित निन्दा खोलाबाट अवैध रूपमा ढुङ्गागिट्टी उत्खनन् गरेको पाइएपछि दुईवटा ट्याक्टरसहित चालकलाई प्रहरीले नियन्त्रणमा लिएको छ ।
मङ्गलबार साँझ ६ बजेतिर निन्दा खोलाको सिरान चुरे क्षेत्रबाट अवैध रूपमा ढुङ्गागिट्टी ल्याउँदै गर्दा ज.२ त ९५३ नम्बरको ट्याक्टरसहित चालक २५ वर्षीय सुवास लिम्बूलाई नियन्त्रणमा लिएको हो ।
त्यस्तै मेचीनगर–३ बाट प्रदेश १–०१–००१ त ९२१९ नम्बरको ट्याक्टरसहित चालक सोही ठाउँका २२ वर्षीय मौसम भुजेललाई नियन्त्रणमा लिएको छ ।
ट्याक्टर तथा चालकलाई आवश्यक कारबाहीका लागि मेचीनगर नगरपालिका बुझाइएको जिल्ला प्रहरी कार्यालय झापाले जनाएको छ । उनीहरूलाई प्रहरी चौकी तिरिङ्खोला र प्रहरी चौकी बाहुनडाँगीको टोलीले नियन्त्रणमा लिएको हो ।
