धरान (ब्लाष्ट) अमेरिकामा रहेर संगीतकर्म गरिरहेका गायक, संगीतकार तथा रचनाकार उमेश रेग्मीको नयाँ गीत ‘मायालु’को भिडियो सार्वजनिक भएका छ ।
उमेशको शब्द र संगीत रहेको यो गीतमा स्वर भने गायिका अञ्जु पन्तको छ । गीतको भिडियोमा नरेश भट्टराई र कविता अधिकारीले अभिनय गरेका छन् । भिडियोको निर्देशन सोनम पाख्रिनले गरेका हुन् भने छायाँकन दिनेश पराजुली र सम्पादन विकास दाहालले गरेका छन् । भिडियो गोत्र इन्टरटेन्मेन्ट युट्युब च्यानलबाट सार्वजनिक भएको छ ।
भ्यालेन्टाईन्स डे नजिक आएका बेला सार्वजनिक भएको भिडियोमा विछोडको कथा प्रस्तुत गरिएको छ ।
सुनसरी इनरुवाका उमेश यसअघि पनि धरानलाई कर्मक्षेत्र बनाएर गीत संगीतमा सक्रिय थिए । अमेरिका पुगेपछि पनि उनले संगीतलाई निरन्तरता दिईरहेका छन् । उमेशको संगीतमा चर्चित गायक गायिकाहरु रामकृष्ण ढकाल, शिव परियार, विश्व नेपाली, मेलिना राई, टिका प्रसाईं लगायतले गीत रेकर्ड गराईसकेका छन् । अमेरिका गएपछि उनले सार्वजनिक गरेका ‘मेरो याद’, ‘सुनसरी इनरुवा’, ‘इनरुवा सुनसरी’, ‘बाबाको दुई पैसे जागिर’ लगायतले चर्चा कमाएका छन् । उनले दर्जनौं गीतका भिडियो सार्वजनिक गरिसकेका छन् ।
