देउराली । धरान स्थित वीपी कोइराला स्वास्थ्य विज्ञान प्रतिष्ठानको हाता भित्र मोटरसाइकल चोरी गर्दै गर्दा एक जना पक्राउ परेका छन् ।
प्रतिष्ठानको सर्जरी वार्ड नजिकै पार्किङ गरी राखेको मोटरसाइकल गया राति चोरी गर्ने क्रममा वराहक्षेत्र नगरपालिका ३ घर भई धरान १५ बस्दै आएका १७ वर्षीय समीर परियार पक्राउ गरिएको प्रहरीले जनाएको छ ।
राती करिब १ बजे को ३८ प ९१ ३१ नम्बरको मोटरसाइकल डोर्याइरहेको अवस्थामा परियारलाई प्रतिष्ठानका सुरक्षाकर्मीले देखेपछि सोधपुछ गर्ने क्रममा चोरी गरी लान खोजिएको थाहा पाएपछि नियन्त्रणमा लिई प्रहरीलाई बुझाएको प्रतिष्ठानको सुरक्षाका जिम्मा लिएको भिआइपी सेक्युरिटीले जनाएको हो ।
चोरीको प्रयास भएको उक्त मोटरसाइकल इटहरीका चन्द्रध्वज कार्कीको रहेको बताइएको छ । मोटरसाइकल सहित नियन्त्रणमा लिइएका परियार माथि अनुसन्धान भइरहेको इलाका प्रहरी कार्यालयले जनाएको छ ।
