मोरङको सुन्दरहरैचामा लागुऔषध ब्राउन सुगरसहित एक जनालाई प्रहरीले पक्राउ गरेको छ ।
नगरपालिका १० खोर्साने चोकबाट मंगलबार अपरान्ह साढे ४ बजे २.२८ मिलिग्राम ब्राउन सुगरसहित फास्टफुट संचालनक २८ वर्षीय सुरज थापा मगरलाई प्रहरीले पक्राउ गरेकाे इलाका प्रहरी कार्यालय बिराटचोकले जनाएकाे छ ।
कार्यालयका अनुसार मगरले लागुऔषध सेवन तथा बिक्रिबितरण गर्दै आईरहेको भन्ने सुचनाको आधारमा कार्यालयबाट खटिएको प्रहरी टोलीले चेकजाँच गर्दा लुकाई छिपाई राखेको अवस्थामा उनको साथबाट उक्त परिमाणकाे ब्राउन सुगर र १ थान मोबाईल फेला पारी पक्राउ गरेको हो ।
पक्राउ परेका मगरको सम्बन्धमा इलाका प्रहरी कार्यालय बेलबारीबाट थप अनुसन्धान भइरहेको उक्त कार्यालयले जनाएकाे छ ।
