धरान । धरान–९ स्थित समिट सेकेन्डरी बोर्डिङ स्कुलले ‘समिट स्पोर्ट्स मिट’ मङ्गलबार सम्पन्न गरेको छ ।
स्पोर्ट्स मिटमा फुटबल, भलिबल, बास्केटबल, फुटसल, मिनी म्याराथुन, डोरीतान, स्याक रेस, बेलुन फुटाउने, निडल एन्ड थ्रेड खेल खेलाइएको थियो ।
पाँच दिने स्पोर्ट्स मिटका विजेता खेलाडीलाई विद्यालय व्यवस्थापन समितिका अध्यक्ष चन्द्रदत्त पौडेल, प्राचार्य रमेश दाहाललगायतले मेडल तथा प्रमाण–पत्र प्रदान गरेका थिए । खेलमा प्रथम, दोस्रो, तेस्रो र सान्त्वना भएका विभिन्न सदनका विद्यार्थीहरूलाई पुरस्कृत गरिएको प्राचार्य दाहालले जानकारी दिए ।
त्यस्तै वर्षभरि अतिरिक्त क्रियाकलापमा सबैभन्दा अग्रणी भएको सगरमाथा सदनलाई हाउस अफ दी इयर अवार्ड प्रदान गरिएको छ । उक्त सदनलाई रनिङ ट्रफी पनि प्रदान गरिएको छ ।
