धरानमा ६२ केजी गाँजा सहित २ जनालाई प्रहरीले पक्राउ गरेको छ ।
धरान उपमहानगरपालिकाको वडा नम्बर २० र ११ बाट ३१ ३१ केजी गाँजासहित प्रहरीले एक महिला र एक पुरुषलाई पक्राउ गरेको हो ।
मंगलबार बिहान साढे ३ बजे इलाका प्रहरी कार्यालय धरानबाट खटिएको टोलीले विशेष सूचनाको सुराकीको आधारमा धरान २० सिरिसे गाउँमा गरेको चेकजाँचका क्रममा धनकुटाबाट धरान तर्फ आउँदै गरेको प्र १–०२–०५१ प २३०५ नम्बरको मोटरसाइकलमा सवार धनकुटाको साँगुरीगढीका ९ आहालेका २५ वर्षीय जितेन राई गाँजा ३१ केजी गाँजा सहित नियन्त्रणमा लिएको कार्यालयले जनाएको छ ।
सोही दिन ५ बजे सूचनाको आधारमा धरान ११ सुनौलो वस्ति बस्ने४७ वर्षीय विष्णु माया राईको घरमा खानतलासी गर्ने क्रममा विष्णु मायाले घर कोठामा लुकाएर राखेको अवस्थामा ३१ गाँजा फेला परेको कार्यालयले जनाएको छ ।
कार्यालयका अनुसार पक्राउ परेको दुवै जनालाई जिल्ला अदालत सुनसरीबाट म्याद थप गरी थप अनुसन्धान भइरहेको छ।
