धरान । धरान–५ निशानडाँडास्थित निशानदेवी आधारभूत विद्यालयमा रहेको वरको रुखको हाँगा भाच्चिँदा विद्यालयको भवन क्षतिग्रस्त भएको छ । 

विद्यालयका प्रधानाध्यापक लोकराज निरौलाका अनुसार चैत १० गते राति आएको हावाहुरीका कारण हाँगा भाँच्चिदा विद्यालयको उत्तरपट्टिको कोठा क्षतिग्रस्त भएको हो । विद्यालयको पर्खाल र ट्रससँगै ६ थान जस्तापाता पूर्णरूपमा क्षति पुगेको उनले जानकारी दिए । बालविकास केन्द्रदेखि कक्षा ५ सम्म रहेको स्कुलमा हाल ५२ जना विद्यार्थी पढ्छन् ।