देउराली ।  झापामा  खैरो हेरोइनसहित एक जनालाई प्रहरीले पक्राउ गरेको छ । पक्राउ पर्नेमा बिर्तामोड नगरपालिका ५ का २६ वर्षीय अर्जुन सुब्बा रहेका छन् ।

सुब्बालाई विशेष सूचनाको आधारमा शनिवार  लागु औषध नियन्त्रण ब्युरो काँकडभिट्टाबाट खटिएको प्रहरी टोलीले मेचीनगर नगरपालिका ६ मेची पुलबाट नियन्त्रण गरेको कोशी प्रदेश प्रहरी कार्यालय, विराटनगरले जनाएको छ । 

कार्यालयका अनुसार प्रहरीले सुब्बाको साथबाट ४ ग्राम खैरो हेरोइन बरामद गरेको हो ।  पक्राउ परेका सुब्बामाथि थप अनुसन्धान भइरहेको कार्यालयले जनाएको छ ।