पाँचथर । पाँचथरको कुम्मायक गाउँपालिका— १ स्थित खाल्डे मा.विमा अक्षयककोष स्थापना गरिएको छ । सोही वडाका पौडेल परिवारले स्वगीय बुबा खम्बसिं पौडेलको स्मृतिमा १ लाख ५१ हजार रुपैयाँको अक्षयकोष स्थापना गरेका हुन् । पौडेल परिवारले बुबाको २२ औँ पुन्य तिथिको अवसर पारेर बिद्यालयमा अक्षयकोषको स्थापना गरेका थिए ।
परिवारले “स्वगीय खम्बसिं पौडेल स्मृती” अक्षयकोषको रकम विद्यालयका प्रधानध्यापक एगेन्द्र बहादुर खड्कालाई पौडेलका श्रीमती पदमी पौडेलले प्रदान गरिन् । ६ छोरा ४ छोरीहरुले सयुक्त रुपमा स्वगीय बुबा खम्बसिं पौडेलको स्मृतीमा अक्षयकोषको स्थापना गरिएको कान्छा छोरा टंक पौडेलले बताए ।
विद्यालयका गरिव, बिपन्न तथा जेहन्दार विद्यार्थीहरूलाई पठनपाठनमा रुची बढाउने र बिद्यालयको शैक्षिक गुणस्तर सुधार गर्न अक्षयकोषको स्थापना गरेको उनको भनाइ थियो । परिवारले आगामी दिनमा पनि अक्षयकोषको रकम बढाउदै जाने विद्यालय प्रशासनलाई जनाएका छन् ।
विद्यालयमा पहिलो पटक अक्षयकोष स्थापना गरी त्यसको बार्षिक व्याजदरले छात्रवृति प्रदान गर्ने अवसर प्रदान गरेको भन्दै प्रधानध्यापक खड्काले पौडेल परिवारको प्रसंशा गरेका थिए । अक्षयकोषको ब्याजले दाताको चाहाना अनुसार शैक्षिक गुणस्तर सुधार गर्न कार्यक्रम गर्ने उनको भनाई थियो ।
