देउराली । झापा र धनकुटामा लागुऔषधसहित ५ जनालाई प्रहरीले पक्राउ गरेकाे छ ।
काेशी प्रदेश प्रहरी कार्यालय विराटनगरका अनुसार झापाको दमक नगरपालिका १ बाट लागुऔषध ब्राउनसुगरसहित दमकल ३ का २१ वर्षीय सागर बिक र दमक ७ का २४ वर्षीय राहुल श्रेष्ठलाई ब्राउनसुगरसहित पक्राउ गरेको हो ।
बुधबार अपरान्ह बिशेष सुचनाको आधारमा प्रहरी पोष्ट फाल्गुनन्द दमकबाट खटिएको प्रहरी टोलीले उनिहरूकाे साथबाट ७ सय मिलिग्राम ब्राउनसुगर बरामद गरेकाे कार्यालयले जनाएकाे छ ।
त्यस्तै, प्रहरी चौकी मुलघाटबाट गस्तीमा खटिएको प्रहरी टोलीले सागुरीगढी १ लाबरबोटेमा संकास्पद अवस्थामा रहेका साँगुरीगढी ३ का २३ वर्षीय सरोज याख्खा, २३ वर्षीय इशाक याख्खा र धनकुटा नगरपालिका ८ का २३ वर्षीय सुमन राईले बोकेको झोला चेक जाँच गर्दा ६ किलोग्राम गाँजा बरामद गरेको उक्त कार्यालयले जनाएकाे छ ।
पक्राउ परेका उनिहरुको थप अनुसन्धान भइरहेको कार्यालयले जनाएकाे छ ।
