विजयपुर । धरान–१६ स्थित नवोदय विद्या मन्दिर स्कुलले अभिभावक दिवस मनाएको छ ।
शनिबार स्कुलमा विविध कार्यक्रम गरी अभिभावक दिवस मनाएको हो । अभिभावक दिवसमा विद्यार्थीहरूले विज्ञान प्रदर्शनी गरेका थिए । यस्तै गायन तथा नृत्य प्रदर्शन पनि गरेका थिए । अभिभावक दिवसमा वर्षको उत्कृष्ट विद्यार्थी, उत्कृष्ट क्याप्टेन, उत्कृष्ट सहायक क्याप्टेन, सरसफाइमा उत्कृष्ट विद्यार्थीलाई पुरस्कार प्रदान गरेको प्रिन्सिपल डम्बरकुमार तुम्बोपोले बताए ।
स्कुलका अध्यक्ष ज्ञानेश्वर झाको अध्यक्षतामा सम्पन्न अभिभावक दिवसमा धरान–१६ का वडाध्यक्ष मुरारी भट्टराई प्रमुख अतिथि रहेका थिए । कार्यक्रममा स्कुलका प्रशासक कृष्णमोहन झा, शिक्षक, विद्यार्थी र अभिभावकहरूको उपस्थिति रहेको थियो ।
