धरान । सामाजिक सञ्जाल फेसबुकमा महिलाको चरित्र हत्या गरेको आरोपमा झापाका एक युवा पक्राउ परेका छन् ।
नेपाल प्रहरीको साइबर ब्यूरोले झापा गाउँपालिका–६ का २० वर्षीय कादिर मोमिनलाई पक्राउ गरेको हो । जिल्ला प्रहरी कार्यालय झापाको सहयोगमा ब्यूरोले झापाबाटै उनलाई पक्राउ गरेको जनाएको छ ।
साइबर ब्यूरोका प्रवक्ता पशुपतिकुमार रायका अनुसार कादिरविरुद्ध पीडिताले ब्यूरोमा उजुरी दिएको आधारमा पक्राउ गरिएको हो । महिलाको टाउको अन्यको शरीरमा जोडी अश्लील शब्दसहितको तस्बिर र भिडियो पोष्ट गरेपछि मोमिनलाई पक्राउ गरिएको छ ।
