विराटनगर । विराटनगर–२ स्थित बूढानीलकण्ठ स्कुलमा चित्रकला तथा हस्तकला प्रदर्शनी आयोजना गरिएको छ । शैक्षिक सत्र २०७९ को वार्षिक परीक्षाफल वितरणको अवसर पारेर सोमबार स्कुल परिसरमा चित्रकला तथा हस्तकला प्रदर्शनी गरिएको हो ।
उक्त प्रदर्शनीमा विद्यालयको वार्षिक गतिविधिका तस्बिरहरू तथा कक्षा नर्सरीदेखि कक्षा नौ सम्मका विद्यार्थीहरूद्वारा निर्मित चित्रकला तथा हस्तकलाका सामग्रीहरू प्रदर्शन गरिएको थियो ।
उपस्थित अभिभावकहरूले आ–आफ्ना नानीहरूको सर्वाङ्गीण विकासका लागि विद्यालयले खेलेको भूमिकाको मुक्तकण्ठले प्रशंसा गरेका थिए ।
उक्त अवसरमा प्रदर्शनीमा सहभागीहरूलाई पाँच समूहमा विभाजन गरी प्रत्येक समूहबाट उत्कृष्ट प्रथम, द्वितीय, तृतीय र सान्त्वना हुने विद्यार्थीहरूका रचनालाई स्कुलका प्रिन्सिपल मणिराज भट्टराईले वार्षिक पुरस्कार वितरण कार्यक्रमका दिन प्रमाण–पत्र र पुरस्कार दिने घोषणा गरेका छन् ।
