धरान । धरान–१८ स्थित माउन्ट हर्मन एकेडेमीले बिहीबार अभिभावक दिवस मनाएको छ ।
एकेडेमीले विभिन्न कार्यक्रमका साथमा अभिभावक दिवस मनाएको स्कुलका निर्देशक अनुप योञ्जनले जानकारी दिए । कार्यक्रममा विद्यार्थीहरूले नेपालमा बसोबास गर्दै आएका विभिन्न जातजातिहरूको मौलिक नृत्य प्रस्तुत गरेको थिए । कार्यक्रम सञ्चालक हेमन्त भण्डारीका अनुसार साकेला, कौरा, देउडा, नेवारी, थारूलगायतका मौलिक नृत्य प्रस्तुत गरिएको थियो ।
त्यस्तै हिन्दु, इसाई, बौद्ध धर्मसँग सम्बन्धित भजन, मण्डली, गीत प्रस्तुत गरिएको थियो । विद्यालय व्यवस्थापन समितिका अध्यक्ष प्रकाश राईको अध्यक्षतामा भएको कार्यक्रममा एकेडेमीका विद्यार्थीले प्रकाशन गर्दै आएको हर्मोनिज किड्ज पनि सार्वजनिक गरिएको छ ।
