विजयपुर । नवोदय/युएन कलेजले विद्यार्थीलाई स्वागत तथा बिदाइ गरेको छ ।
बिहीबार कलेजको ११ औँ वार्षिकोत्सवको अवसरमा धरान स्थित चुम्लुङ भवनमा कार्यक्रम आयोजना गरी विद्यार्थीहरूलाई बिदाइ गरेको हो । कलेजले कक्षा ११ र स्नातक तह बिएचएम) पहिलो वर्षका विद्यार्थीलाई स्वागत गरेको हो ।
यस्तै कक्षा १२ र स्नातक तह चाथो वर्ष (बिबिएस) चौथो वर्षका विद्यार्थीहरूलाई पनि बिदाइ गरेको कलेजका प्रिन्सिपल डम्बरकुमार तुम्बापोले बताए ।
कलेजका अध्यक्ष ज्ञानेश्वर झाको अध्यक्षतामा सम्पन्न कार्यक्रममा राष्ट्रिय परीक्षा बोर्ड कोशी प्रदेशका निर्देशक युवराज पौडेल प्रमुख अतिथि रहेका थिए । कार्यक्रममा धरान–१५ का वडाध्यक्षलगायतको उपस्थिति रहेको थियो । विद्यार्थीहरूले नृत्यलगायत कला प्रस्तुत गरेका थिए ।
