धरान । गायक उर्गेन दोङको गीत ‘मेरी माया’ को फिमेल भर्सनको भिडियो सार्वजनिक भएको छ ।
अनु चौधरी र उर्गेनको स्वर रहेको फिमेल भर्सनको भिडियोमा धरानकी रेखा लिम्बू र रेबेल राईले अभिनय गरेका छन् । भिडियोको निर्देशन पनि राईले नै गरेका हुन् । कविर दास र उर्गेनको शब्द सङ्गीत रहेको यो गीतको मेल भर्सनमा उर्गेन र मेलिना राईले गाएका थिए ।
नयाँ भिडियो भने हालै सार्वजनिक भएको हो । भिडियोमा अभिनय गरेकी रेखाले विभिन्न फिल्म र म्युजिक भिडियोमा काम गर्दै आएकी छन् । अहिले हलमा प्रदर्शन भइरहेको फिल्म जारीमा समेत उनको अभिनय रहेको छ ।
