धरान । झापा कनकाई नगरपालिका–३ की ४५ वर्षीया सुनिता कार्कीलाई प्रहरीले पति हत्या गरेको आरोपमा पक्राउ गरेको छ ।
५३ वर्षीय टेकबहादुर कार्कीलाई हत्या गरेको आरोपमा पत्नी सुनितालाई आइतबार जिल्ला प्रहरी कार्यालय मातहतको प्रहरी निकायले पक्राउ गरेको हो । उनीहरूबीच वैशाख ८ गते घरायसी झगडा हुँदा पत्नीले पतिमाथि प्रहार गर्दा उनी गम्भीर घाइते भएका थिए ।
घाइते पतिलाई प्रादेशिक अस्पताल भद्रपुरमा उपचारपश्चात् घरमा ल्याइएको थियो । उनको आइतबार बिहानतिर निधन भएपछि पत्नीलाई पक्राउ गरेको जिल्ला प्रहरी कार्यालयका डिएसपी प्रवक्ता खगेन्द्रप्रसाद रिजालले बताए । पतिको मृत्यु भएपछि इलाका प्रहरी कार्यालय अनारमनीले पक्राउ गरी अनुसन्धान सुरु गरेको छ ।
