धरान उपमहानगरपालिकाको १७ नम्बर वडामा अभद्र व्यवहार देखाउने ३ जनालाई प्रहरीले पक्राउ गरेको छ ।
वडा कार्यालयमा टोल विकास समितिका प्रतिनिधिसंग छलफल चलिरहेको समय प्रवेश गरि अराजक गतिविधि गरेपछी उनलाई प्रहरीले पक्राउ गरेको हो ।
पक्राउ पर्नेहरुमा धरान१७ का ३५ वर्षीय ललित राई , २४ वर्षिय लाक्पा तेन्जिङ शेर्पा र ६५ वर्षीय गोविन्द बहादुर श्रेष्ठलाई प्रहरीले पक्राउ गरेको इलाका प्रहरी कार्यालयले जनाएको छ ।
कार्यालयका अनुसार वडाका टिएलोसंग वडाध्यक्ष शुर्यबहादुर भट्टराई (मनोज ) बिच छ्लफल चलिरहदा बैठक कक्ष प्रवेश गरेका उनिहरुले बैठक भाड्ने गतिविधि गरेका थिए ।
बैठक चलिरहेको स्थानमा प्रवेश गरेका ललित राईले भिडियो खिच्न थालेपछि टिएलओका अन्य प्रतिनिधि र वडाध्यक्षले भिडियो नखिच्न अनुरोध गरेका थिए । वडाध्यक्ष र अन्य बैठकमा उपस्थितको अनुरोधलाई अस्विकार गर्दै भिडियो खिचिरहेका राइ लगायतले जनप्रतिनिधिलाई कालोमोसो दल्ने लगायतका आपत्तिजन अभिव्यक्ति दिदै अराज कृयाकला गर्ने थालेपछि प्रहरी बोलाउनु परेको वडाध्यक्ष भट्टराईले बताए । उनका अनुसार आइतबार वडा सदस्य मनिस बिष्टलाई टिएओले बुझाएको ज्ञापन पत्रको विषयमा सोमबार छ्लफल भइरहेको थियो ।
