विराटनगर । विराटनगरमा बैंकबाट पैसा झिकेका एक जना व्यापारीमाथि बिहीबार दिउँसो खुकुरी प्रहार भएको छ ।
विराटनगर १५ निवासी ३२ वर्षीय राहुलकुमार रायमाथि स्थानीय रामकुमार साहले खुकुरी प्रहार गरेका हुन् । ट्राफिक चोकमा उनले ग्लोबल बैंकबाट पैसा झिकेपछि खुकुरी प्रहार हुँदा उनको हातमा चोट लागेको छ ।
घाइते रायको अहिले विराट नर्सिङ होममा उपचार भइरहेको छ। घाइते रायको जोगबनीमा किराना पसल रहेको छ । उनीमाथि हमला गर्ने साहलाई प्रहरीले पक्राउ गरेको मोरङ प्रहरीका प्रवक्ता डिएपी रञ्जन कुमार दाहालले जानकारी दिए । पक्राउ परेका साह घाइते रायका साथी हुन् ।
पुरानो रिसिइबिलाई लिएर रायकामाथि आक्रमण भएको प्रहरीले बताइएको छ । घटनको विषयमा अनुसन्धान भइरहेको मोरङ प्रहरीले जनाएको छ ।
