धरान । धरानस्थित विष्णु मेमोरियल माध्यमिक विद्यालयमा अन्तर्राष्ट्रियस्तरका गणितविज्ञहरूसँग अन्तरक्रिया गरेको छ ।
काउन्सिल अफ म्याथम्याटिक्स एजुकेसनको सहकार्यमा शुक्रबार गणितविज्ञहरूसँग अन्तरक्रिया गरेको विद्यालयका प्रिन्पिसल निलमकुमार श्रेष्ठले जानकारी दिए । कार्यक्रममा विद्यालयका गणित विषयका शिक्षकहरू पनि सहभागी रहेको उनले जानकारी दिए ।
अन्तरक्रियामा अमेरिकाका पाँच जना र अष्ट्रियाका एक जना विज्ञ सहभागी रहेका थिए । प्रिन्सिपल श्रेष्ठले यस्ता प्रकारको अन्तरक्रियाले गणित विषयको शिक्षण सिकाइमा थप टेवा पुग्ने बताए । उनले अन्तर्राष्ट्रियस्तरमा गणित विषयको शिक्षण सिकाइमा अवलम्बन गरिएको नवीनतम् अभ्यासका विषयमा पनि जानकारी भएको बताए ।
