धरान । मोरङको विराटनगर महानगरपालिकामा आयोजित वातावरणसम्बन्धी चित्रकला प्रतियोगितामा होलिल्यान्ड स्कुलका धिरजकुमार साह प्रथम भएका छन् ।
प्रतियोगितामा साहले २७ जना प्रतिस्पर्धीलाई पछि पार्दै विजेता भएका हुन् । त्यस्तै बूढानिलकण्ठ स्कुलकी अपेक्षा राई दोस्रो बन्दा सरस्वती माविकी मुस्कान कामत तेस्रो भएकी छन् । प्रतियोगितामा २८ वटा निजी तथा संस्थागत विद्यालयका विद्यार्थीहरू प्रतिस्पर्धामा सहभागी भएका थिए ।
विद्यार्थीहरूलाई वातावरणसम्बन्धी विषयमा चित्रकला निर्माण गर्न दिइएको थियो । हरित तथा सफा विराटनगर नाराका साथ प्रतियोगिता गरिएको हो । प्रतियोगिताको आयोजना विराटनगर महानगरपालिका, पर्यटन वन तथा वातावरण मन्त्रालय, दिगो विकास इन्स्टिच्यूट (योरुरेस), एनवाईसीए विराटनगर, सुनौला अवसर युवा क्लब र नगर बाल क्लबको आयोजनामा प्रतियोगिता सम्पन्न भएको हो ।
विजेताहरूलाई विराटनगर महानगरपालिकाका प्रमुख नागेश कोइरालाले पुरस्कार वितरण गरे । बालबालिकाहरूलाई वातावरणसम्बन्धी जनचेतना जगाउने उद्देश्यका साथ प्रतियोगिता गरिएको आयोजक संस्थामध्येका एक दिगो विकास इन्स्टिच्यूटका कार्यक्रम निर्देशक अविशेक श्रेष्ठले जानकारी दिए । बालबालिकाहरूलाई जलवायु परिवर्तनको वास्तविक समाधान र साइकल मोबिलिटीको महŒवबारे बुझाउन कार्यक्रम गरिएको उनले जानकारी दिए ।
