धरान । राष्ट्रिय स्वतन्त्र पार्टी धरान नगर तदर्थ समितिले धरानको भानुचौकमा आइतबार रक्तदान कार्यक्रम सम्पन्न गरेको छ ।
रक्तदान कार्यक्रममा ३५ युनिट रगत सङ्कलन भएको अध्यक्ष राजेशमान श्रेष्ठले जानकारी दिए । रगत अभावलाई मध्यनजर गर्दै कार्यक्रम गरिएको उनले जानकारी दिए ।
धरान–८ का वडाध्यक्ष धनबहादुर राईको प्रमुख आतिथ्यमा भएको कार्यक्रममा २९ औँ पटक रगत दान गर्ने धरान–९ का सजित सिंहलाई सम्मानित गरिएको छ । उनी रास्वपामा पनि प्रवेश गरेका छन् ।
पार्टीले भ्रष्टाचारलगायतका विरोधी कार्यक्रम मात्रै नगरेर सामाजिक सेवा तथा मानव सेवाअन्तर्गत रक्तदान कार्यक्रम गरिएको अध्यक्ष श्रेष्ठले जानकारी दिए । कार्यक्रम रास्वपा ८ नम्बर वडा समितिको सहकार्यमा सम्पन्न भएको हो ।
