धरान–१६ स्थित भगवती आधारभूत विद्यालयमा आइतबार सम्पन्न हाजिरीजवाफमा जेनिथ अङ्ग्रेजी माविको टोली प्रथम भएको छ ।
१६ नम्बर वडा कार्यालयको सहयोगमा सम्पन्न प्रतियोगितामा कक्षा ८ सम्मका विद्यार्थीहरूबीच प्रतिस्पर्धा गरिएको थियो । आठओटा विद्यालय सहभागी भएको प्रतियोगितामा जेनिथबाट सयानु राई, दृष्टान्त सुवेदी र प्रिन्सा मगरको समूह प्रथम भएको हो ।
त्यस्तै सिद्धार्थ स्कुल र सियोन स्कुलको टोली क्रमशः दोस्रो र तेस्रो भएका छन् । धरान–१६ भरिका सामुदायिक र संस्थागत विद्यालयहरूबीच प्रतिस्पर्धा गराइएको भगवती विद्यालयका प्रधानाध्यापक अच्युतप्रसाद पराजुलीले बताए । प्रतियोगितामा शारदा नमुना बालिका स्कुलका विद्यार्थीको समूह सान्त्वना भएको थियो ।
