धरान । अभिनेत्री सुरक्षा पन्त सिजी इलेक्ट्रिकको ब्रान्ड एम्बासडर घोषित भएकी छन् ।
चौधरी ग्रुप अन्तर्गतको सहायक कम्पनी इ.ओ.एल. प्रा.लि.ले पन्तलाई सिजी इलेक्ट्रिकको ब्रान्ड एम्बासडरमा नियुक्त गरेको हो । सुरक्षा पन्त र कम्पनीबीचको सहकार्यले प्रतिभा र उत्कृष्टताको प्रतीकलाई एकै ठाउँमा ल्याउने, ब्रान्डको उपस्थितिलाई अझ माथि उठाउने र यसको विविध उत्पादनलाई प्रवर्धन गर्ने लक्ष्य राखेको कम्पनीले जनाएको छ ।
कम्पनीका अनुसार सुरक्षाले सिजी इलेक्ट्रिकका चिम्नी, सोलार हिटर र इलेक्ट्रिक उपकरणहरूको प्रवर्धन गर्नेछिन् । सहकार्यको बारेमा टिप्पणी गर्दै, सिजीका उपाध्यक्ष एस.सी. साबूले भने, ‘हामी सुरक्षाजीसँग हाम्रो ब्रान्ड एम्बासडरको रूपमा आबद्ध हुन पाउँदा खुसी छौँ । उनको अनुग्रह, प्रामाणिकता र उनको कामप्रतिको समर्पण हाम्रो सिजी इलेक्ट्रिक ब्रान्डको मार्गदर्शनसँग स्पष्टरूपमा मिल्छ । हामी विश्वस्त छौं कि हाम्रो ब्रान्डसँगको उनको सहकार्यले हाम्रो ब्रान्डलाई अर्कोस्तरमा पु¥याउनेछ र यसलाई हाम्रा उपभोक्ताहरू बीच एक विश्वसनीय ब्रान्डको रूपमा स्थान दिनेछ ।’
अभिनेत्री सुरक्षाले साझेदारीको बारेमा आफ्नो उत्साह व्यक्त गर्दै भनिन्, ‘उत्कृष्टताप्रतिको प्रतिबद्धताका लागि परिचित ब्रान्ड सिजी इलेक्ट्रिकसँग आबद्ध हुन पाउँदा म सम्मानित छु । चिम्नी, सोलार र इलेक्ट्रिक उत्पादनको प्रतिनिधित्व गर्न पाउँदा म उत्साहित छु । सिजी इलेक्ट्रिकले नवीन र उच्च गुणस्तरका उत्पादनहरू प्रस्तुत गर्दछ र म यी क्षेत्रहरूमा सिजी इलेक्ट्रिकको यात्राको हिस्सा हुन पाउँदा खुसी छु ।’
