श्रीमती हत्या अभियोगमा सप्तरीमा एक जनालाई प्रहरीले पक्राउ गरेकाे छ ।
पक्राउ पर्नेमा महादेवा गाउँपालिका २ अकबरपुर बस्ने ३५ वर्षीय रामरूप खङ रहेका छन् । उनीहरू बीच घरायसी वादविवादको कारण झगडा हुँदा खङले कुटपिट गरेपछि पार्वती गम्भीर घाइते भएकी थिइन् । श्रीमानकाे कुटपिटबाट पार्वती गम्भीर घाइते भएकाे खबर पाउनसाथ पुगेकाे इलाका प्रहरी कार्यालय हनुमाननगरबाट खटिएको प्रहरीले उनलाई पक्राउ गरेको जनाएकाे छ ।
गम्भीर घाइते पार्वतीको छिन्नमस्ता अस्पताल राजबिराजमा उपचारको क्रममा मृत्यु भएको प्रहरीले जनाएकाे छ । साथै उक्त झगडा छुट्याउने क्रममा गम्भीर घाइते भएकी ६१ वर्षीया समतोलिया खङको पनि सोही अस्पतालमा उपचार भइरहेको प्रहरी कार्यालयले जनाएकाे छ ।
