भारतको जयपुरदेखि मुम्बई गइरहेको रेलमा सोमबार अन्धाधुन्ध गोली प्रहार भएको छ । यो घटनामा चार जनाको मृत्यु भएको बताइएको छ ।
गोली प्रहारमा संलग्न आरपिएफ (रेलवे सुरक्षा बल) का कन्सटेबललाई पक्राउ गरिएको भारतीय सञ्चार माध्यम आजतकले जनाएको छ । घटनामा आरपीएफका असई समेत चार व्यक्तिको मृत्यु भएको छ ।
जयपुर एक्सप्रेस रेल (१२९५६) को बी–५ बुगीमा घटना भएको हो । रेल जयपुरदेखि मुम्बई गइरहेको बताइएको छ ।
भारतस्थित महाराष्ट्रको पालघरमा घटना भएको हो । पश्चिम रेलवेका अनुसार पालघर स्टेसन पार गरेपछि एक आरपीएफ जवानले चलिरहेको रेल जयपुर एक्सप्रेसभित्र गोली चलाएका हुन् ।
गोली लागेर चारै जनाको मृत्यु भएको छ । आरोपितलाई पक्राउ गरिएको रेलवे सुरक्षा बलले जनाएको छ । घटनाबो थप अनुसन्धान भइरहेको बताइएको छ ।
