धरान । इन्टरनेट सेवा प्रदायक कम्पनी क्लासिक टेक प्रा.लि.ले स्थापनाको चौधौँ वार्षिकोत्सव मनाएको छ ।
प्रा.लि. ले १४ वर्षको यस व्यावसायिक यात्रामा महत्वपूर्ण योगदान पुर्याउने आफ्ना कर्मचारी, ग्राहक, प्राविधिक, व्यवस्थापन समूह, विभिन्न आपूर्तिकर्ता तथा सेवा प्रवाह कम्पनी, नियामक निकाय तथा यस कम्पनीलाई सहयोग, सद्भाव र मार्गदर्शन प्रदान गर्ने सम्र्पूण सरकारी, गैर–सरकारी सङ्घ–संस्था, विषयगत निकाय, सेवाप्रदायक तथा वित्तीय सङ्घ–संस्थाहरूलाई धन्यवाद ज्ञापन गरेको छ ।
सन् २००९ मा स्थापना भएको क्लासिक टेकले हाल देशका ७४ जिल्लाहरूमा १ सय वटाभन्दा बढी आउटलेटबाट सेवा प्रदान गर्दै आइरहेको छ । कम्पनीले विराटनगर र काठमाडौंमा डेटा ब्याकअप सेन्टर स्थापना गरेको छ । कम्पनीले १४ औं वार्षिकोत्सवको अवसरमा ५०, ७५, १००, २०० र ३०० एमबीपीएस इन्टरनेट प्लानहरू अत्यधिक छुटमा वितरण गर्ने जनाएको छ ।
