नेकपा एमाले निकट विद्यार्थी संगठन अनेरास्ववियुको कोशी प्रदेश अध्यक्षमा जिबी गजल सर्वसम्मत चयन भएका छन् ।
शुक्रबारदेखि विराटनगरमा सुरु भएको अधिवेशनले विद्यार्थी नेता गजललाई अध्यक्षमा निर्विरोध निर्वाचित गरेको हो । त्यस्तै उपाध्यक्षमा धनकुटाका अंकित थापा, झापाका नारायण पोखरेल र सचिवमा मोरङका सन्तोष घिमिरे चयन भएका छन् ।
कमिटीमा सहसचिवमा उदयपुरका प्रवेश ठकुरी, इलामका पारस राई, झापाकी लक्ष्मी न्यौपाने, तेह्रथुमकी रन्जना घतानी र कोषाध्यक्षमा नवराज घिमिरेलाई चयन गरिएको केन्द्रीय कमिटी सचिव आरती भट्टराईले जानकारी दिइन् ।
अधिवेशनको उद्घाटन अखिल अध्यक्ष समिक बडालले गरेका थिए ।
