धरान । धरान उच्च कलेजका कक्षा १२ का विद्यार्थीहरूले नवआगन्तुक विद्यार्थीहरूलाई स्वागत गरेका छन् ।
कलेजका अध्यक्ष शिवनारायण साहको अध्यक्षतामा सम्पन्न कार्यक्रममा कलेजका प्रिन्सिपल हेमचन्द्र अधिकारीलगायतको उपस्थिति रहेको थियो ।
विद्यार्थीहरूलाई कक्षा १२ की छात्रा सन्ध्या राईले स्वागत गरिन् । कार्यक्रममा अध्यक्ष साह र प्रिन्सिपल अधिकारीले विद्यार्थीहरूको उच्च अध्ययनको सफलताको शुभकामना व्यक्त गरे । शुक्रबार व्यवस्थापन सङ्काय र शनिबार विज्ञान सङ्कायमा आउने नयाँ विद्यार्थीहरूलाई स्वागत गरिएको छात्रा सन्ध्या राईले बताइन् । कार्यक्रमको क्रममा विद्यार्थीहरूले नृत्य तथा मनोरञ्जनात्मक कार्यक्रम गरेका थिए ।
