धरान । एनसेल आजियाटा लिमिटेडले ‘हरेक दिन सरप्राइज सबैलाई स्योर–प्राइज’ योजनाअन्तर्गत तीन जना ग्राहकले स्कुटर पाएका छन् ।
बम्पर पुरस्कारअन्तर्गत तीन जना ग्राहकले स्कुटर पाएका हुन् । सात जनाले बम्पर पुरस्कार जित्न सफल भएकोमध्ये तीन जनाले स्कुटर पाए । स्कुटर पाउने ग्राहकलाई विराटनगर, धनगढी र हेटौँडामा कार्यक्रम गरी स्कुटर हस्तान्तरण गरियो । विराटनगरस्थित एनसेल सेन्टरमा अभिनेत्री प्रियङ्का कार्कीले सुनसरीका रोहन शर्मालाई स्कुटर हस्तान्तरण गरिन् ।
यस्तै धनगढीस्थित एनसेल सेन्टरमा अभिनेत्री केकी अधिकारीले गोमाकुमारी खराललाई स्कुटर दिइन् । त्यस्तै एनसेल सेन्टर हेटौँडामा एनसेलका उत्पादन निर्देशक विशाल नेगीले चितवनकी रीना ढकाललाई पुरस्कार हस्तान्तरण गरे । एनसेलको १८ औँ वार्षिकोत्सवको अवसरमा ‘हामी तपाईंकै लागि’ अन्तर्गत कार्यक्रम सञ्चालन गरिएकोमध्ये एक हो ।
भाद्र ३१ देखि २८ दिनसम्म सञ्चालन गरिएको यस योजनामा एनसेलसम्बन्धी उत्कृष्ट नारा पठाउने एक हजार ग्राहकलाई हरेक हप्ता सय रुपैयाँको बोनस ब्यालेन्स प्रदान गरिएको थियो । बाँकी रहेका चार जना विजेतालाई बुधबार र बिहीबार पुरस्कार प्रदान गरिनेछ ।
