धरान । धरान-५ स्थित डीपी विलिभर्स स्कुलमा क्यारियर (जीवनवृत्ति) का विषयमा एक दिने सेमिनार सम्पन्न गरिएको छ ।
स्कुलका कक्षा ७, ८ र ९ मा अध्ययनरत विद्यार्थीहरूलाई लक्षित गरी सेमिनार गरिएको हो । कार्यक्रममा नर्स बिमला याक्खा, एयर होस्टेज र डेन्टल नर्स बन्दना याक्खा र परामर्शदाता सोफिया याक्खाले सहजीकरण गरेको स्कुलका प्रिन्सिपल सन्जीप बान्तवाले जानकारी दिए । उनीहरूले आआफ्नो अनुभवसहित सहजीकरण गरे । चिकित्सा विज्ञान, उड्डयन क्षेत्र र मानसिक स्वास्थ्यका बारेमा जानकारी गराएका थिए ।
प्रिन्सिपल बान्तवाले विद्यार्थीहरूलाई विभिन्न पेशा व्यवसायबारे सचेत गराउन जीवनवृत्ति सेमिनारको आयोजना गरिएको बताए । त्यसक्रममा विद्यार्थीहरूले पनि प्रश्न राखेका थिए । स्कुलका सहप्रिन्सिपल कुर्मित बान्तवा लेप्चाले सहजकर्ताहरूलाई धन्यवाद ज्ञापन गरेको स्कुलका शिक्षक वीरेन्द्र लिम्बूले जानकारी दिए ।
