धरान–१६ स्थित यूएन नवोदय कलेजले नवागन्तुक विद्यार्थीलाई स्वागत गरेको छ ।
शुक्रबार धरान–१५ स्थित चुम्लुङ भवनमा एक कार्यक्रम गरी नवागन्तुक विद्यार्थीलाई स्वागत गरेको हो ।
कलेजले कक्षा ११ साथै स्नातक बिबिएस प्रथम वर्ष र बिएचएम प्रथम सेमेष्टरका विद्यार्थीलाई स्वागत गरेको हो । कलेजका प्रिन्सिपल डम्बरकुमार तुम्बापोेका अनुसार करिब ९ सय नवप्रवेशी विद्यार्थीलाई स्वागत गरेको हो ।
कलेजका अध्यक्ष ज्ञानेश्वर झाको अध्यक्षतामा स्वागत कार्यक्रममा भएको थियो । कलेजका बिएचएम को–अर्डिनेटर गगनमान श्रेष्ठ, बिबिएस को–अर्डिनेटर नुर खान, यूएन स्कुलका प्रिन्सिपल शर्न सम्बाहाम्फे, कलेजका परीक्षा नियन्त्रक विष्णुकुमार दाहाल, परामर्शदाता सुमन बास्कोटा, पब्लिक रिलेशन अफिसर रामबहादुर लिम्बूलगायत शिक्षक कर्मचारीले खादा लगाएर विद्यार्थीलाई स्वागत गरेका थिए । कलेजका विद्यार्थीले नृत्य तथा गायन प्रस्तुत गरेका थिए ।
