धरान संगीत प्रतिष्ठानले विश्व संगीत दिवस भव्य रुपमा मनाउन भएको छ ।
विश्व संगीत दिवसको दिन आगामी असार ७ गते धरानमा सांगीतिक कार्यक्रम आयोजना गरेर संगीत दिवस मनाउन लागिएको प्रतिष्ठानका अध्यक्ष रमेश राईले जानकारी दिएका छन् ।
बिहीबार प्रतिष्ठानका सल्लाहकारहरुसँगको छलफलका क्रममा प्रतिष्ठानले विश्व संगीत दिवस भव्य मनाउने जानकारी गराइएको हो । धरान-८ स्थित बराह कम्प्लेक्समा असार ७ मा हुने कार्यक्रममा वरिष्ठ गायक दीप श्रेष्ठसँगै अग्रज कलाकारहरुले गाउने कार्यक्रम रहेको छ । त्यस्तै नयाँपुस्ताका गायक गायिकाको प्रस्तुतिसँगै अग्रज संगीतकर्मीलाई सम्मानसमेत गरिने प्रतिष्ठानका अध्यक्ष राईले जानकारी गएका थिए ।
कार्यक्रममा सल्लाहकारहरु बीपी काेईराला स्वास्थ्य विज्ञान प्रतिष्ठानका प्राध्यापक डा.विक्रमप्रसाद श्रेष्ठ, डा.खालिद हुसैन हक, डा.तपन तरफदार, सुनिल नेपाल, गाेपाल दाहाल लगायतले विश्व संगीत दिवस भव्यरुपमा मनाउन विभिन्न सल्लाह सुझाव दिएका थिए ।
