धरान । धरानमा आयोजित बृहत् रक्तदान कार्यक्रममा ६० पिन्ट रगत सङ्कलन भएको छ ।
धरान जेसीजका पूर्वअध्यक्ष स्व.सुभाषचन्द्र सिंहको स्मृतिमा धरान जेसीज तथा लायन्स क्लब अफ धरान बूढासुब्बाले शुक्रबार आयोजना गरेको रक्तदानमा ६० पिन्ट रगत सङ्कलन भएको हो । विश्व रक्तदान दिवसको अवसरमा धरान–३ चिनियाँचोकस्थित ज्येष्ठ नागरिक पार्कमा आयोजित रक्तदानबाट सङ्कलित रगत ब्लड बैङ्कमा पठाइएको छ ।
कार्यक्रममा धरान जेसीजकी अध्यक्ष आयुष्मा शाक्य, रक्तदान कार्यक्रम संयोजक रीमा थापा मगरलगायत धरान जेसीज र लायन्स क्लबका पदाधिकारीहरूको उपस्थिति रहेको थियो ।
