धरान । सुनसरीको धरान उपमहानगरपालिका ३ चाैबिसे समाजको भवन नजिकै पहिरो जाँदा केही घर उच्च जोखिममा परेको छ ।
सोमबार रातिदेखि परेेको अविरल वर्षाका कारण पहिरो जाँदा माथिल्लोपट्टि रहेका घरहरू जोखिममा परेको हो । वार्ड सदस्य मिङ्मा भोटेका अनुसार बिहान ८ बजेतिर पहिरो गएको हो । पहिरोका कारण मास्तिर रहेका ३-४ वटा घर जोखिममा परेको उनले बताए ।
यसबारे नगरमा पनि जानकारी गराईसकेको तर हालसम्म कुनै पनि रेस्पोन्स नभएको उनले प्रतिक्रिया दिए । उक्त ठाउँमा २०७६ साल र २०७२ सालमा पनि पहिरो गएको थियो ।
पहिरो गए भन्दा ठिक मास्तिर लहरै घरहरू रहेका छन् । हाल त्यो घर रहेको क्षेत्रमा चर्किएको वार्ड सदस्य भोटेले जानकारी दिए ।
